हनुमान साठिका | Shri Hanuman-Sathika

प्रस्तुत हैं श्री हनुमान साठिका shri hanuman sathika जिसके पढ़ने से जीवन में हनुमान जी की कृपा होती है एवं कष्टों से मुक्ति मिलती है । आप की सुविधा के लिए विडिओ के अतिरिक्त हिन्दी और english दोनों ही भाषाओं में हनुमान साठिका उपलब्ध कारवाई गयी है ।


दोहा
वीर बखानौं पवनसुत,जानत सकल जहान।
धन्य-धन्य अञ्जनितनय,संकट हर हनुमान ॥

चौपाई
जय जय जय हनुमान अडांगी ।
महावीर विक्रम बजरंगी ॥
जय कपीश जय पवनकुमारा।
जय जगवन्दन शील अगारा ॥
जय उद्धोत अमल अविकारी।
अरिमर्दन जय जय गिरिधारी॥


अंजनी उदर जन्म तुम लीन्हा।
जय जयकार देवतन कीन्हा॥
बजी दुन्दुभी गगन गँभीरा।
सुर मन हर्ष असुर मन पीरा॥
काँपे सिन्धु लंक शंकाने।
छूटहि बन्दि देवतन जाने॥


ॠषि समूह निकट चलि आये।
पवनतनय के पद शिर नाये॥
बार बार अस्तुति कर नाना।
निर्मल नाम धरा हनुमाना॥
सकल ॠषिण मिलि अस मत ठाना।
दीन्ह बताय लाल फल खाना॥


सुनत वचन कपि अति हर्षाने।
रविरथ ग्रसा लाल फल माने॥
रथ समेत रवि कीन्ह अहारा।
शोर भयो तहँ अति भयकारा॥
बिन तमारि सुर मुनि अकुलाने।
तब कपीश की अस्तुति ठाने॥


सकल लोक व्रित्तान्त सुनावा।
चतुरानन तब रवि उगिलावा॥
कहेउ बहोरि सुनहु बलशीला।
रामचन्द्र करिहैं बहु लीला॥
तब तुम बलकर करब सहाई।
अबहिं बसौ कानन में जाई॥


अस कहि विधि निजलोक सिधारा।
मिले सखन संग पवनकुमारा॥
खेलहिं खेल महा तरू तोरहिं।
केलि करहिं बहु पर्वत फोरहिं॥
जेहि गिरि चरण देत कपि धाई।
धलसो धसकि रसातल जाई॥


कपि सुग्रीव बालि की त्रासा।
निरखत रहे राम मगु आसा॥
मिले राम लै पवनकुमारा।
अति आनन्द समीर दुलारा॥
पुनि मुँदरी रघुपति सों पाई।
सीता खोज चले कपिराई॥


शतयोजन जलनिधि विस्तारा।
अगम अगाध देवमन हारा॥
बिन श्रम गोखुर सरिस कपीशा।
लाँघी गये कपि कहि जगदीशा॥
सीताचरण शीश तिन नावा।
अजर अमर कर आशीष पावा॥


रहे दनुज उपवन रखवारी।
इक ते एक महाभट भारी॥
तिनहिं मारि उपवन करि खीसा।
दहेउ लंक काँपेउ दशशीसा॥
सिया शोध लै पुनि फिर आये।
रामचन्द्र के पद शिर नाये॥


मेरू विशाल आनि पल माहीं।
बाँधा सिन्धु निमिष इक माहीं॥
भे फणीश शक्तिवश जबहीं।
राम बिलाप कीन्ह बहु तबहीं॥
भवन समेत सुषेणहिं लाये।
पवन सँजीवन को पुनि धाये॥


मग महँ कालनेमि कहँ मारा।
सुभट अमित निशिचर संहारा॥
आनि सँजीवन शैल समेता।
धरि दीन्हों जहँ कृपानिकेता॥
फणिपति केर शोक हरि लीन्हा।
बर्षि सुमन सुर जै जै कीन्हा॥


अहिरावण हरि अनुज समेता।
लइगो जहँ पाताल निकेता॥
तहाँ रहै देवी सुस्थाना।
दीन्ह चहै बलि काढि कृपाना॥
पवनतनय तहँ कीन्ह गुहारी।
कटक समेत निशाचर मारी॥


रीछ किशपति जहाँ बहोरि।
रामलखन कीन्हेसी इक ठोरी॥
सब देवन की बन्दि छुड़ाई।
सो कीरति नारद मुनि गाई॥
अक्षयकुमार दनुज बलवाना।
ताहि निपात्यो श्री हनुमाना॥


कुम्भकरण रावण कर भाई।
ताहि मुष्टिका दी कपिराई॥
मेघनाद पर शस्त्रहिं मारा।
पवनतनय सम को बरिआरा॥
मुरहा तनय नरान्तक जाना।
पल महँ ताहि हता हनुमाना॥


जहँ लगि नाम दनुजकरि पावा।
पवनतनय तेहि मारि खसावा॥
जय मारूतसुत जन अनुकूला।
नाम कृशानु शोक सम तूला॥
जेहि जीवन कहँ संशय होई।
अघसमेत तेहि संकट खोई॥


बन्दी परै सुमिर हनुमाना।
गदागरू लै चल बलवाना॥
यम कहँ बाँँधि वामपद दीन्हा।
मृतक जिवाय हाल बहु कीन्हा॥
सो भुजबल कहँ कीन्ह कृपाला।
अछत तुम्हार मोर अस हाला॥


आरतहरन नाम हनुमाना।
शारद सुरपति कीन बखाना॥
संकट रहै न एक रती को।
ध्यान धरै हनुमान यती को॥
धावहु देखि दीनता मोरी।
काटहु बन्दि कहौं कर जोरी॥


कपिपति वेग अनुग्रह करहू।
आतुर आय दास दुख हरहु॥
रामशपथ मैं तुमहि खवाई।
जो न गुहारि लागि शिव जाई॥
बिरद तुम्हारा सकल जग जाना।
भवभंजन सज्जन हनुमाना॥


यह बन्धन कर केतिक बाता।
नाम तुम्हार जगत सुखदाता॥
करहु कृपा जय जय जगस्वामी।
बार अनेक नमामि नमामि॥
भौमवार करि होम विधाना।
धूपदीप नैवेद्ध सुजाना॥


मंगलदायक की लव लावै।
सुर नर मुनि तुरतहि फल पावै॥
जयति जयति जय जय जगस्वामी।
समरथ पुरूष कि अन्तर्यामी॥
अंजनीतनय नाम हनुमाना।
सो तुलसी के कृपानिधाना॥


दोहा
जय कपीश सुग्रीव की, जय अंगद हनुमाना।
राम लखण जय जानकी, सदा करहु कल्याण॥
बन्दीमोचन नाम यह, भौमवार वरमान।
ध्यान धरै नर पाव ही निश्चय पद निर्वान॥
जो यह पाठ पढ़ै नित,तुलसी कहे विचारि।
परे न संकट ताहि तन,साखी हैं त्रिपुरारि॥


सवैया


आरत बैन पुकारि कहौं कपिराज सुनौ बिनती इक म्हारी।
अंगद अरू सुग्रीव महाबल देहु सदा बल शरण तिहारी॥
जामवन्त नल नील पवनसुत द्विविद मयंद महाभट भारी।
दुःख हरौ तुलसी जन की प्रभु है दश वीरन की बलिहारी॥
इति श्रीगोस्वामी तुलसीदासकृत हनुमद्बन्दीमोचन सम्पूर्ण।

English Version -Shri Hanuman sathikaa

Chaupaiyan

Jai Jai Jai Hanuman Adangi।
Mahavir Vikram Bajrangi॥
Jai Kapish Jai Pavan Kumara।
Jai Jagbandan Sil Agara॥
Jai Adity Amar Abikari।
Ari Mardan Jai-jai Girdhari॥
Anjani Udar Janm Tum Linha।
Jai-jayakar Devtan Kinha॥
Baje Dundubhi Gagan Gambhira।
Sur Man Harsh Asur Man Pira॥
Kapi Ke Dar Gadh Lank Sakani।
Chhoote Bandh Devtan Jani॥
Rshi Samooh Nikat Chali Aye।
Pavan Tanay Ke Pad Sir Naye॥
Bar-bar Astuti Kari Nana।
Nirmal Nam Dhara Hanumana॥

Sakal Rshin Mili as Mat Thana।
Dinh Batay Lal Phal Khana॥
Sunat Bachan Kapi Man Harshna।
Ravi Rath Uday Lal Phal Jana॥
Rath Samet Kapi Kinh Ahara।
Soory Bina Bhe Ati Andhiyara॥
Vinay Tumhar Karai Akulana।
Tab Kapis Ki Astuti Thana॥

Sakal Lok Vrtant Sunava।
Chaturanan Tab Ravi Ugilava॥
Kaha Bahori Sunahu Balasila।
Ramachandr Karihain Bahu Lila॥
Tab Tum Unhakar Karehoo Sahai।
Abahin Basahu Kanan Mein Jai॥
Asakahi Vidhi Nijalok Sidhara।
Mile Sakha Sang Pavan Kumara॥

Khelain Khel Maha Taru Torain।
Dher Karain Bahu Parvat Phorain॥
Jehi Giri Charan Dehi Kapi Dhai।
Giri Samet Patalahin Jai॥
Kapi Sugriv Bali Ki Trasa।
Nirkhati Rahe Ram Magu Asa॥
Mile Ram Tahan Pavan Kumara।
Ati Anand Saprem Dulara॥

Mani Mundari Raghupati Son Pai।
Sita Khoj Chale Siru Nai॥
Satayojan Jalanidhi Vistara।
Agam Apar Devatan Hara॥
Jimi Sar Gokhur Saris Kapisa।
Langhi Gaye Kapi Kahi Jagadisha॥
Sita Charan Sis Tinh Naye।
Ajar Amar Ke Asis Paye॥

Rahe Danuj Upavan Rakhavari।
Ek Se Ek Mahabhat Bhari॥
Tinhain Mari Puni Kaheu Kapisa।
Daheu Lank Kopyo Bhuj Bisa॥
Siya Bodh Dai Puni Phir Aye।
Ramachandr Ke Pad Sir Naye॥
Meru Upari Ap Chhin Mahin।
Bandhe Setu Nimish Ik Manhin॥

Lachhaman Shakti Lagi Ur Jabahin।
Ram Bulay Kaha Puni Tabahin॥
Bhavan Samet Sushen Lai Aye।
Turat Sajivan Ko Puni Dhaye॥
Mag Mahan Kalanemi Kahan Mara।
Amit Subhat Nisichar Sanhara॥
Ani Sanjivan Giri Sameta।
Dhari Dinhon Jahan Krpa Niketa।

Phanapati Ker Sok Hari Linha।
Varshi Suman Sur Jai Jai Kinha॥
Ahiravan Hari Anuj Sameta।
Lai Gayo Tahan Patal Niketa॥
Jahan Rahe Devi Asthana।
Din Chahai Bali Kadhi Krpana॥
Pavanatanay Prabhu Kin Guhari।
Katak Samet Nisachar Mari॥

Richh Kisapati Sabai Bahori।
Ram Lashan Kine Yak Thori॥
Sab Devatan Ki Bandi Chhudaye।
So Kirati Muni Narad Gaye॥
Achhayakumar Danuj Balavana।
Kalaketu Kahan Sab Jag Jana॥
Kumbhakaran Ravan Ka Bhai।
Tahi Nipat Kinh Kapirai॥

Meghanad Par Shakti Mara।
Pavan Tanay Tab So Bariyara॥
Raha Tanay Narantak Jana।
Pal Mein Hate Tahi Hanumana॥
Jahan Lagi Bhan Danuj Kar Pava।
Pavan Tanay Sab Mari Nasava॥
Jai Marut Sut Jai Anukoola।
Nam Krsanu Sok Sam Toola॥

Jahan Jivan Ke Sankat Hoi।
Ravi Tam Sam So Sankat Khoi॥
Bandi Parai Sumirai Hanumana।
Sankat Katai Dharai Jo Dhyana॥
Jako Bandh Bamapad Dinha।
Marut Sut Vyakul Bahu Kinha॥
So Bhujabal Ka Kin Krpala।
Achchhat Tumhen Mor Yah Hala॥

Arat Haran Nam Hanumana।
Sadar Surapati Kin Bakhana॥
Sankat Rahai Na Ek Rati Ko।
Dhyan Dharai Hanuman Jati Ko ॥
Dhavahu Dekhi Dinata Mori।
Kahaun Pavanasut Jugakar Jori॥
Kapipati Begi Anugrah Karahu।
Atur Ai Dusi Dukh Harahu॥

Ram Sapath Main Tumahin Sunaya।
Javan Guhar Lag Siy Jaya॥
Yash Tumhar Sakal Jag Jana।
Bhav Bandhan Bhanjan Hanumana॥
Yah Bandhan Kar Ketik Bata।
Nam Tumhar Jagat Sukhadata॥
Karau Krpa Jai Jai Jag Svami।
Bar Anek Namami Namami॥

Bhaumavar Kar Hom Vidhana।
Dhoop Dip Naivedy Sujana॥
Mangal Dayak Ko Lau Lave।
Sun Nar Muni Vanchhit Phal Pave॥
Jayati Jayati Jai Jai Jag Svami।
Samarath Purush Suantarajami॥
Anjani Tanay Nam Hanumana।
So Tulasi Ke Pran Samana॥

Doha

Jai Kapis Sugriv Tum, Jai Angad Hanuman॥
Ram Lashan Sita Sahit, Sada Karo Kalyan॥
Bandaun Hanumat Nam Yah, Bhaumavar Paraman॥
Dhyan Dharai Nar Nishchay, Pavai Pad Kalyan॥
Jo Nit Padhai Yah Sathika, Tulasi Kahain Bichari॥
Rahai Na Sankat Tahi Ko, Sakshi Hain Tripurari॥

Savaiya

Arat Ban Pukarat Haun Kapinath Suno Vinati Mam Bhari।
Angad Au Nal-nil Mahabali Dev Sada Bal Ki Balihari॥
Jambavant Sugriv Pavan-sut Dibid Mayand Maha Bhatabhari।
Duhkh Dosh Haro Tulasi Jan-ko Shri Dvadash Biran Ki Balihari॥

Leave a Comment